Printerda chop etilgan raketa dvigatellari sinovdan o‘tdimi?
Buyuk Britaniyada 3D-bosma raketa dvigatellarini sinovdan o‘tkazish boshlandi.
Edinburgda joylashgan Skyrora kompaniyasi dvigatellarni o‘zining Skyprint 2 printeri yordamida ishlab chiqardi.Kompaniyaga ko‘ra, texnologiya avvalgi modellarga nisbatan ishlab chiqarish vaqtini va xarajatlarni kamaytiradi.
Yangi dvigatellar Shotlandiyaning Midlotian shahridagi eng yirik raketa markazida sinovdan o‘tkaziladi. Sinovlar yozda har hafta o‘tkaziladi. Har bir ishga tushirilganda dvigatel 250 soniya ishlaydi – raketaning kosmik orbitaga yetib borishi uchun shuncha vaqt ketadi.
Avvalroq AQSH Mudofaa vazirligi New Frontier Aerospace kompaniyasi bilan 3D-printerda chop etilgan Mjölnir raketa dvigatelini yaratish bo‘yicha 1,5 million dollarlik shartnoma tuzgani xabar qilingandi.
Qayd etilishicha, kompaniya 2024-yilning may oyida yong‘inga chidamli 3D bosib chiqarish texnologiyasini ishlab chiqishni yakunlashni va dvigatel sinovlarini o‘tkazishni rejalashtirmoqda.
