Mushukni yoqqanlarga qo‘llangan jarima bekor qilindi
Ish sudda qayta ko‘rib chiqiladi.
Farg‘onada mushukni tirik holatda yoqib yuborisha aloqador bo‘lgan shaxslarga nisbatan Maʼmuriy javobgarlik to‘g‘risidagi kodeksining 111-moddasi bilan BHMning 3 baravari miqdorida jarima jazosi tayinlash haqida qaror qabul qilingandi.
Quvasoy shahar prokurorining protesti bilan yuqoridagi qaror bekor qilindi.
Hozirda huquqbuzarlarga nisbatan Maʼmuriy javobgarlik to‘g‘risidagi kodeksining 111-moddasi 2-qismi (Hayvonlarga nisbatan shafqatsiz munosabatda bo‘lish) hamda 189-1-moddasi (Tazyiqni, zo‘ravonlikni yoki shafqatsizlikni targ‘ib qiluvchi mahsulotni tayyorlash, olib kirish, tarqatish, reklama qilish, namoyish etish) bilan rasmiylashtirilgan maʼmuriy bayonnoma mazmunan ko‘rib chiqishlik uchun sudga yuborilishi taʼminlandi.
