Bugundan Toshkentdagi 154-sonli avtobus yo‘nalishi o‘zgardi
Bu haqda "Toshshahartransxizmat" AJ maʼlum qildi.
Bugun, 21-iyundan boshlab, "4-Avtobus saroyi" filialiga biriktirilgan 154-sonli “Zangiota yuqumli kasalliklar shifoxonasi — Olchazor mahallasi” avtobus yo‘nalishi harakati “Bobur mahallasi”dan Bobur, S.Jo‘rayev, Yangi Sergeli yo‘li, Qipchoq ko‘chalari, 4P21 halqa yo‘li orqali Zangiota yuqumli kasalliklar shifoxonasigacha o‘zgartirildi.
«Toshshahartransxizmat» AJ Axborot xizmatining xabariga ko‘ra, yo‘nalish nomi 154-sonli “Bobur mahallasi — Zangiota yuqumli kasalliklar shifoxonasi” etib belgilandi.
Qayd etilishicha, mazkur o‘zgartirishlar yo‘nalishlar tarmog‘ini muvofiqlashtirish, harakat tarkiblaridan samarali foydalanish, yo‘lovchilarga ko‘rsatilayotgan transport xizmatlari sifatini oshirish maqsadida amalga oshirildi.
