Iqtisodiy jinoyatlarga qarshi kurashish departamenti boshlig`i YTH sodir etdi
Departament xodimiga nisbatan xizmat tekshiruvi tayinlangan.
Bosh prokuraturasi huzuridagi Iqtisodiy jinoyatlarga qarshi kurashish departamentining xabar berishicha, Departamentning Dehqonobod tuman bo‘limi boshlig‘i o‘ziga biriktirilgan xizmat mashinasida YTHga uchradi.
Aniqlanishicha, 20-iyun kuni soat 16:10 lar atrofida Qashqadaryo viloyatida Departamentning Dehqonobod tuman bo‘limi boshlig‘i o‘ziga biriktirilgan Nexia rusumli xizmat mashinasida harakatlanib kelayotgan vaqtida qarama-qarshi yo‘nalishdagi Cobalt rusumli avtotransport vositasi bilan to‘qnashib ketib, yo‘l transport hodisasiga uchragan.
Bundan tashqari, orqa tomondan harakatlanib kelayotgan Spark rusumli avtotransport vositasi ham Nexia-3 avtomashinasiga kelib urilgan.
Hozirda mazkur holat yuzasidan tegishli sud tibbiyot ekspertizalari hamda departament xodimiga nisbatan xizmat tekshiruvi tayinlanib, Qashqadaryo viloyat prokuraturasi tomonidan tergovga qadar tekshiruv harakatlari o‘tkazilmoqda. Ekspertiza hamda xizmat tekshiruvi natijasiga ko‘ra qo‘shimcha axborot beriladi, deyiladi xabarda.
