Orolbo‘yida sunʼiy tarzda yomg‘ir hosil qilish texnologiyasi joriy qilinadi
BAAda ishlab chiqilgan ilg‘or texnologiyalardan O‘zbekistonda foydalanish rejalashtirilmoqda.
Tashrif bilan Birlashgan Arab Amirliklarida bo‘lib turgan O‘zbekiston tashqi ishlar vaziri Baxtiyor Saidov Abu-Dabida Jahon meteorologiya tashkiloti prezidenti, BAA Milliy meteorologiya markazi bosh direktori Abdulloh Al Mandus bilan uchrashdi.
«Jahon meteorologiya tashkiloti prezidenti, BAA Milliy meteorologiya markazi bosh direktori doktor Abdulloh Al Mandus Janobi Oliylari bilan samarali uchrashuv o‘tkazdik», — deydi Baxtiyor Saidov.
Uchrashuvda BAAda ishlab chiqilgan ilg‘or texnologiyalar va yangi metodologiyalarni, jumladan, yomg‘ir hosil qilish usulini O‘zbekistonda, ayniqsa, Orolbo‘yi mintaqasida joriy etish istiqbollari muhokama qilindi.
