Qatar Airways Dohadan Toshkentga muntazam parvozlarni boshlaydi
Hozirda Qatar Airways Doha – Toshkent – Doha yo‘nalishida aviaqatnovlarni amalga oshirish bo‘yicha kompaniya ichki tartiblarini ishlab chiqmoqda.
Transport vaziri Ilxom Maxkamov 23-iyun kuni Qatar davlatining O‘zbekistondagi Favqulodda va Muxtor elchisi Hasan Hamza Asad Muhammad Hoshim bilan uchrashdi.
Uchrashuvda tomonlar ikki mamlakat o‘rtasida muntazam aviaqatnovlarni yo‘lga qo‘yish masalasini muhokama etishdi. Elchi janoblari Qatar Airways aviakompaniyasi Doha – Toshkent – Doha yo‘nalishida aviaqatnovlarni amalga oshirish bo‘yicha kompaniya ichki tartiblarini ishlab chiqayotganini maʼlum qildi.
Tomonlar ushbu jarayonlar yakunlangach, parvozlarni amalga oshirish bo‘yicha mavjud talab va qoidalar yuzasidan muzokaralar o‘tkazishga kelishib oldi.
