0
Toshkentda quyosh ultrabinafsha nurlari eng yuqori darajaga ko‘tarilishi mumkin
Bu kabi noqulay ob-havo sharoitida terida bir qator kasalliklar yuzaga kelishi mumkin
Toshkentda 27-iyun kuni quyoshning ultrabinafsha nurlanish darajasi yuqori bo‘lishi kutilmoqda. Xususan, soat 13:00 va 14:00 oralig`da quyosh ultrabinafsha nurlari 12 ballik tizimda 11 ballik darajaga yetadi.
Mutaxassislarning fikricha bunday noqulay ob-havo inson terisida bir qator kasalliklarni keltirib chiqarishi mumkin. Oqibatda terida qichishish va shishlar kuzatiladi.
Bundan tashqari, nurlanish indeksi yuqori bo‘lgan vaqtda ochiq havoda uzoq vaqt yurish saraton kasalligiga moyillikni oshirib, immunitetni pasaytiradi. Mutaxassislar bu kabi noqulay ob-havo sharoitida quyosh nurlari ostida uzoq vaqt yurmaslikni tavsiya etadi.
