Bakalavriat ta'lim yo‘nalishlariga qabul bo‘yicha bir qator tartiblar belgilandi
Davlat komissiyasi bir qator istisno holatlarga ruxsat berdi
O‘zbekistonda davlat oliy taʼlim muassasalariga o‘qishga qabul qilish jarayonlarini muvofiqlashtirish bo‘yicha davlat komissiyasining tegishli bayoni qabul qilindi.
Mazkur bayon bilan 2023-2024-o‘quv yili uchun davlat oliy taʼlim muassasalarining bakalavriat taʼlim yo‘nalishlariga qabul bo‘yicha bir qator tartiblar belgilandi.
Unga ko‘ra quyidagilarga istisno tariqasida ruxsat berildi:
-
abituriyentlarga tugatgan taʼlim muassasasidan qatʼi nazar taʼlim tili qardosh (qozoq, qirg‘iz, tojik, turkman) tillardan birida olib boriladigan taʼlim yo‘nalishlariga o‘qishga kirish uchun ro‘yxatdan o‘tishga;
-
"Oliy hamshiralik ishi" bakalavriat taʼlim yo‘nalishiga hamshiralik, akusherlik ishi va feldsherlik bo‘yicha o‘rta maxsus, kasb-hunar tibbiy maʼlumotga ega bo‘lmagan abituriyentlar ham ro‘yxatdan o‘tishiga.
