Pokiston va O‘zbekiston o‘rtasida multimodal yuk tashuvlari rivojlantiriladi
Shuningdek, Toshkent – Lahor – Toshkent yo‘nalishida muntazam aviaqatnovlar qayta tiklanishi mumkin
Transport vaziri Ilxom Maxkamov hamda Pokistonning O‘zbekistondagi elchisi Axmad Faruk o‘rtasida uchrashuv bo‘lib o‘tdi. Vazirlik matbuot xizmati xabariga ko‘ra, uchrashuvda tomonlar mamlakatlar o‘rtasida transport sohasidagi hamkorlik aloqalarini rivojlantirish masalalarini muhokama etdi.
Xususan, ikki mamlakat o‘rtasida yuk tashuvlari hajmini oshirish maqsadida tomonlar Afg‘oniston hududi orqali multimodal tashuvlarni rivojlantirish zarurligini qayd etib o‘tdi.
Shuningdek, Toshkent – Lahor – Toshkent yo‘nalishida muntazam aviaqatnovlarni qayta tiklash, “Termiz – Mozori-Sharif – Kobul – Peshovar” temir yo‘li qurilishi loyihasi yuzasidan fikr almashildi.
