Ukraina urushni qo‘llab-quvvatlagan rossiyaliklarning O‘zbekistonda konsert berishiga munosabat bildirdi
Avvalroq Madaniyat va turizm vaziri o‘rinbosari Ukrainadagi urushni qo‘llab-quvvatlayotgan rossiyalik sanʼatkorlarning O‘zbekistondagi konsertlariga to‘siq yo‘qligini aytgandi.
O‘zbekiston madaniyat va turizm vaziri o‘rinbosari Bahodir Ahmedov O‘zbekistonda sanʼat uchun hech qanday to‘siq yo‘qligi va Ukrainadagi urushni qo‘llab-quvvatlayotgan rossiyalik sanʼatkorlarning O‘zbekistonda rejalashtirilgan konsertlariga hech qanday to‘siq yo‘qligini aytgandi. Ukrainaning O‘zbekistondagi elchixonasi bunga munosabat bildirdi.
Elchixona xabarida keltirilishicha, urushni qo‘llab-quvvatlovchi rossiyalik sanʼatkorlarning O‘zbekistondagi chiqishlari urushni qo‘zg‘atishga qaratilgan jinoiy faoliyatni qo‘llab-quvvatlash va bu O‘zbekiston obro‘siga tahdid solishi mumkin
«Bundan tashqari, rossiyalik qo‘shiqchilar tomonidan olingan mablag‘lar ular tomonidan urush, terrorizm va Ukraina xalqining genotsidini moliyalashtirish uchun ishlatilishi mumkin. Elchixona ushbu masala bo‘yicha O‘zbekiston vakolatli organlariga tegishli murojaat yubordi.
Elchixona urushni qo‘llab-quvvatlovchi rossiyalik sanʼatkorlarning chiqishlari uchun O‘zbekistonning konsert maydonlaridan foydalanishga qarshi chiqqan o‘zbek jamoatchiligiga o‘z minnatdorchiligini bildiradi», — deyiladi elchixona xabarida.
