Sloveniya bilan iqtisodiy hamkorlik yo‘lga qo‘yiladi
Bu bo‘yicha Prezidentning tegishli qarori qabul qilindi.
“Xalqaro shartnomani tasdiqlash to‘g‘risida”gi Prezident qaroriga muvofiq, O‘zbekiston hamda Sloveniya Respublikasi Hukumatlari o‘rtasida iqtisodiy hamkorlik to‘g‘risidagi bitim tasdiqlandi.
Mazkur bitim 2023 yil 8 fevral kuni Toshkent shahrida imzolangan.
Investitsiyalar, sanoat va savdo vazirligi ushbu xalqaro shartnomani amalga oshirishga masʼul bo‘lgan vakolatli organ etib belgilandi.
Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin uning qoidalari amalga oshirilishi ustidan belgilangan tartibda nazoratni taʼminlaydi.
