Baydenning Ukraina bo'yicha qarori AQSh Kongressida vahima uyg'otdi
Kongressmenlarga ko'ra, Bu AQSh uchun yomon oqibatlarga olib kelishi mumkin.
Ukraina qurolli kuchlariga kassetali o‘q-dorilarning berilishi Amerika uchun yomon yakunlanadi, deb yozdi AQSH Kongressi Vakillar palatasi aʼzosi, deputat Marjori Teylor Grin.
"Ukrainaga xavfli kassetali o‘q-dorilarni yuborish Qo‘shma Shtatlar tomonidan urushning kuchayishi bo‘lib, oxir-oqibatda bizni yadro quroliga ega Rossiya bilan istalmagan urushga jalb qilish orqali Amerika xalqi va milliy xavfsizlik manfaatlarimizga tahdid solishi mumkin", — dedi u.
Kongressmenga ko‘ra, AQSHning roli bu mojaroga barham berish va tinchlik muzokaralari olib borishdan iborat bo‘lishi kerak.
Eslatib o‘tamiz, ikki kun oldin Pentagon Ukrainaga kassetali artilleriya snaryadlarini o‘z ichiga olgan yangi harbiy yordam paketini eʼlon qilgan edi. Bular xalqaro konvensiya tomonidan taqiqlangan kassetali o‘q-dorilardir. Uni 123 davlat ratifikatsiya qilgan, ammo AQSH, Rossiya va Ukraina ular orasida emas.
