0
Bolani itlar hujumidan saqlab qolgan yigit mukofotlandi
Taksi haydovchisi yosh bolani itlar hamlasidan qutqarib qolgandi
Samarqand shahrida 8-iyul kuni taksi haydovchisi yosh bolani itlar hamlasidan qutqarib qoldi.
Samarqand viloyati IIB xabariga ko‘ra, shahar hokimi Fazliddin Umarov hamda shahar ichki ishlar organlari faoliyatini muvofiqlashtirish boshqarmasi boshlig‘i Ismatjon Ibragimov bolaning hayotini saqlab qolgan taksi haydovchisi, 23 yoshli Firdavs Ahmedov va uning ota-onasiga minnatdorchilik bildirdi.
Shuningdek, Firdavs Ahmedovga esdalik sovg‘alari ham topshirilgan.
Maʼlumot uchun, hozirda bolaga tashlangan itlar ushlanib, karantinga olingan. Bolaning ahvoli yaxshi. Ta`kidlanishicha, itlarning egasi aniqlangan taqdirda unga nisbatan qonuniy tartibda chora ko‘riladi.
