Gruziyada noqulay ob-havo sabab Kutaisi aeroporti vaqtincha yopildi
Aytilishicha, aeroport zallaridan birida tomning bir qismi qulab tushgan, binolarning bir qismi suv ostida qolgan va elektr quvvati o‘chirilgan.
Gruziya aeroportlari ittifoqi Kutaisi xalqaro aeroporti suv bosishiga olib kelgan kuchli yomg‘ir tufayli vaqtincha yopilganini maʼlum qildi, deya xabar berdi «Novosti-Gruziya» axborot agentligi.
«Kuchli yomg‘ir tufayli aeroport yo‘lovchi terminali ishi to‘xtab qoldi. Ushbu bosqichda barcha ehtiyot choralari ko‘rilgan. Kutaisi xalqaro aeroportida rejalashtirilgan reyslar Tbilisiga yo‘naltirilmoqda», — deyiladi xabarda.
Guvohlarning so‘zlariga ko‘ra, aeroport zallaridan birida tomning bir qismi qulab tushgan, binolarning bir qismi suv ostida qolgan va elektr quvvati o‘chirilgan.
Aeroport veb-saytida eʼlon qilingan maʼlumotlarga ko‘ra, Wizz Air aviakompaniyasining Dortmund, Parij, Barselona, Minskdan Belavia reyslari, shuningdek, Kutaisidan Minsk, Saloniki, Poznan va Pragaga parvozlar ham kechiktirildi yoki bekor qilindi.
Gruziyaning turli hududlarida noqulay ob-havo 12 iyul ertalabgacha davom etadi, deb xabar berdi Atrof-muhitni muhofaza qilish milliy agentligi.
Sharqiy Gruziyada, dengizda, qisqa muddatli va kuchli yomg‘ir, momaqaldiroq, do‘l, Adjara qirg‘og‘ida bo‘ron bo‘lishi kutilmoqda. G‘arbdan kuchli shamol esadi. Aholi mumkin bo‘lgan suv toshqinlari va ko‘chkilar haqida ogohlantirilmoqda.
