ATACMS raketalari Ukrainaga berilishi mumkin
AQSh 300 km uzoqlikdagi nishonlarga zarba beruvchi raketalarni Ukrainaga yetkazib berishni rejalashtirmoqda
Oq uy Ukrainaga taxminan 300 kilometr masofaga uchadigan ATACMS raketalarini yetkazib berish masalasini muhokama qilmoqda, deb yozadi The New York Times
Nashr suhbatdoshlariga ko‘ra, gap hozirda zaxirada bo‘lgan bir nechta “yer-yer” toifali boshqariladigan raketalarni yetkazib berish haqida ketmoqda.
AQSh ATACMS arsenalining nisbatan kichikligi va mavjud raketalar allaqachon boshqa joylarda, jumladan Koreya yarimorolida ham joylashtirilganligi sababli, AQSh Ukrainaga uzoq masofali raketalarni topshirishda ikkilanyapti. Bundan tashqari, Pentagonning fikricha, hozirgi bosqichda Ukraina uzoq masofali raketalarga muhtoj emas.
Muhokamalar Fransiyaning kamida 250 kilometr masofaga ucha oladigan SCALP raketalarini Ukrainaga o‘tkazish to‘g‘risidagi qarori fonida o‘tkazilmoqda.
