Bugun poytaxtning uch tumanida “svet” bo‘lmaydi
Bu haqda "Hududiy elektr tarmoqlari" Toshkent shahar filiali xabar berdi.
Toshkentning 3 ta tumanidagi ko‘chalarda elektr taʼminoti vaqtincha to‘xtatiladi.
Bugun Toshkentning Sergeli, Uchtepa va Mirzo Ulug‘bek tumanlarida elektr taʼminoti vaqtincha o‘chiriladi. Bu haqda "Hududiy elektr tarmoqlari" Toshkent shahar filiali xabar berdi.
Qayd etilishicha, kuz-qish mavsumiga puxta tayyorgarlik ko‘rish maqsadida poytaxtdagi uchta MFYning ayrim ko‘chalarida elektr taʼminoti vaqtincha to‘xtatiladi.
Quyidagi manzillarda elektr taʼminoti vaqtincha o‘chiriladi:
Sergeli tumani: “Qo‘shqo‘rg‘on” MFYning ayrim ko‘chalarida soat 10:00 dan soat 16:00 gacha;
Uchtepa tumani: “Tepaqo‘rg‘on” MFYning ayrim ko‘chalarida soat 09:00 dan soat 12:00 gacha;
Mirzo Ulug‘bek tumani: “Oltintepa” MFYning ayrim ko‘chalarida soat 10:00 dan soat 16:00 gacha.
Qayd etilishicha, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
