Aktrisa qiz behayo yozishmalar qurboni bo‘ldi
Aktrisa Sadoqat Xamidova videomurojaat qilib, unga nomaʼlum shaxslar shantaj qilishganini aytdi.
O‘zbek seriallaridan biridagi roli orqali tanilgan aktrisa Sadoqat Xamidova videomurojaat qilib, unga nomaʼlum shaxslar shantaj qilishganini aytdi.
Aktrisaning aytishicha, nomaʼlum shaxslar go‘yoki aktrisa yigitlar bilan behayo mavzularda yozishgani va rasm hamda videolarini yuborganini montaj qilib, internetga tarqatishgan.
“Ularni shu narsani (montaj) mukammal qilgan-ki, ko‘rganlar ishonib qolyapti. Hozir mening uyim notinch, bo‘lajak turmush o‘trog‘im bor, u yoqda har xil gap-so‘z, atrofimdagi odamlarda har xil gaplar aylanyapti”, — deydi aktrisa.
Aktrisa IIVga holat yuzasidan ariza berib, mazkur ishni qilganlarga chora ko‘rishni so‘ragan.
IIVning xabar berishicha, gumonlanuvchi qo‘lga olingan. Hozirda tergovga qadar tekshiruv harakatlari olib borilmoqda.
“Maʼlumot uchun, fuqarolarning sir saqlanishi kerak bo‘lgan maʼlumotlarini tarqatish bilan qo‘rqitib, ulardan pul talab qilganlik uchun to‘g‘ridan to‘g‘ri JKning 165-moddasi (tovlamachilik) bilan jinoiy javobgarlikka tortishga sabab bo‘ladi. Bu uchun 3 yildan 5 yilgacha ozodlikni cheklash yoki 3 yildan 5 yilgacha ozodlikdan mahrum qilish bilan jazolanadi”, — deydi IIV Tezkor qidiruv-departamenti kiberxavfsizlik markazi masʼuli.
