0
Qashqadaryoda tojik kavragi o'simligiga zarar yetkazildi
O‘zbekiston Qizil kitobiga kiritilgan o'simlikning ildiz qismlari kavlanishi oqibatida tabiatga 372 mln so'm zarar yetkazilgan.
Ekologiya, atrof-muhitni muhofaza qilish va iqlim o’zgarishi vazirligining xabar berishicha, Qashqadaryo viloyati, Dehqonobod tumanida tuman Ekologiya bo'limi ishchi guruhi tomonidan tezkor reyd tadbiri o'tkazildi.
Reyd davomida "Sebatli" massivi hududida tadbirkorlik subyekti tomonidan 753 tup tojik kavragi o'simligiga zarar yetkazilganligi, ildiz qismlari kavlanib, kesilganligi aniqlandi.
Oqibatda o'simlik dunyosiga jami 372 million 735 ming so'm zarar yetkazilgan. Hozirda holat yuzasidan tegishli hujjatlar to‘planib, prokuraturaga yuborildi.
Ma'lumot uchun, tojik kavragi O‘zbekiston Qizil kitobiga kiritilgan.
