O'zbekistonda tashkilotlarda ishlovchi xodimlarning 521 mlrd so'm mol-mulk va yer solig‘idan qarzi mavjud

 

Soliq qo'mitasi ma'lumotlariga ko'ra, 2023-yil 30-iyun holatiga 197,2 mingta tashkilotning 1 mln nafardan ziyod korxona va tashkilotlarda ishlovchi daromad manbaiga ega boʻlgan ishchi - xodimlarning 1,2 mln ta soliq obyekti bo‘yicha 521,7 mlrd so‘m (mol-mulk solig‘i bo‘yicha 197,3 mlrd so‘m va yer solig‘i bo‘yicha 324,4 mlrd so‘m) to‘lanmagan soliq qarzdorligi mavjud.

 

Qayd etilishicha, shundan:

 

• 130,2 mlrd so‘m — budjet tashkilotlari xodimlari;
• 25,8 mlrd so‘m — nodavlat-notijorat tashkilotlari xodimlari;
• 365,7 mlrd so‘m — tijorat tashkilotlari xodimlari hisobiga to‘g‘ri keladi.

 

Tijorat tashkilotlarining sohalar kesimida mol-mulk va yer soliqlari bo‘yicha qarzdorligi:

 

• sanoat sohasidagi 24,1 mingta tashkilotda ishlovchi 197,7 ming nafar xodimning soliq qarzi 92,8 mlrd soʻm;
• qishloq, oʻrmon va baliq xoʻjaligi sohasidagi 59,4 mingta tashkilotda ishlovchi 125 ming nafar xodimning soliq qarzi — 86,7 mlrd soʻm;
• savdo sohasidagi 46,7 mingta tashkilotda ishlovchi 85,7 ming nafar xodimning soliq qarzi — 56,7 mlrd soʻm;
• qurilish sohasidagi 11,5 ta tashkilotda ishlovchi 72 ming nafar xodimning soliq qarzi — 44,1 mlrd soʻm;
• tashish va saqlash sohasidagi 6,1 mingta tashkilotda ishlovchi 47,1 ming nafar xodimning soliq qarzi — 21,5 mlrd soʻm;
• yashash va ovqatlanish boʻyicha xizmatlar sohasidagi 10,1 mingta tashkilotda ishlovchi 19,9 ming nafar xodimning soliq qarzi — 13 mlrd soʻm;
• sogʻliqni saqlash va ijtimoiy xizmatlar koʻrsatish sohasidagi 4,5 mingta tashkilotda ishlovchi 13 ming nafar xodimning soliq qarzi — 6,5 mlrd soʻm;
• axborot va aloqa sohasidagi 2,1 mingta tashkilotda ishlovchi 11,6 ming nafar xodimning soliq qarzi — 4,5 mlrd soʻm.

 

Shuningdek, boshqa faoliyat turlari sohasidagi 17,8 mingta tashkilotda ishlovchi 78,5 ming nafar xodimning soliq qarzi — 39,9 mlrd soʻmni tashkil etmoqda.