Qozog‘iston O‘zbekistondan Afg‘onistonga yuk tashish uchun imtiyoz berishni so‘radi
Ostonada hukumat rahbarlari o‘rinbosarlari darajasidagi ishchi guruhining uchrashuvi bo'lib o'tdi
Qozog‘iston hukumati O‘zbekistonga Afg‘onistonga temir yo‘l orqali tranzit tashishda tarif imtiyozlari berish imkoniyatini ko‘rib chiqish iltimosi bilan murojaat qildi. Bu haqda Qozog‘iston hukumati matbuot xizmati Qozog‘iston va O‘zbekiston hukumat rahbarlari o‘rinbosarlari darajasidagi ishchi guruhining Ostonada bo‘lib o‘tgan uchrashuvi yakunlari bo‘yicha xabar berdi.
Ma'lumotlarga ko'ra, tomonlar un mahsulotlarining Oʻzbekiston hududi orqali tranziti uchun tariflarni pasaytirish imkoniyatlarini muhokama qilishga alohida eʼtibor qaratdi.
“Uchrashuv ishtirokchilari temir yo‘l transportida qulay tarif shartlarini muhokama qilish va aniq takliflar ishlab chiqish uchun qo‘shma ekspert ishchi guruhini tuzishga kelishib oldilar”, — deyiladi matbuot xizmati xabarida.
Qozogʻistonning Afgʻonistonga un eksport qilish boʻyicha salmoqli salohiyatini hisobga olgan holda, Qozogʻiston tomoni Oʻzbekiston orqali Afgʻonistonga temir yoʻl orqali tranzit tashishda bazaviy tarifga tarif imtiyozlari berish imkoniyatini koʻrib chiqish iltimosi bilan Oʻzbekiston tomoniga murojaat qildi, deb taʼkidladi matbuot xizmati.
