Rossiya don shartnomasi bekor qilinganini e'lon qildi
Kreml kelishuvga qaytish shartlarini ma’lum qildi
Rossiya shartlari bajarilmagani uchun don shartnomasi o‘z kuchini yo‘qotdi. Bu haqda 17-iyul kuni Rossiya prezidenti Dmitriy Peskov aytib o‘tdi.
"Qora dengiz kelishuvlari bugundan oʻz kuchini yo’qotdi. Rossiya Federatsiyasi Prezidenti avvalroq aytganidek, oxirgi muddat — 17-iyul. Afsuski, ushbu Qora dengiz kelishuvining Rossiyaga tegishli qismi hozirgacha bajarilmagan. Shuning uchun kelishuv tugadi", — dedi Peskov.
U Moskva don kelishuvining Rossiyaga tegishli qismi bajarilishi bilanoq shartnomaga “darhol qaytishiga” ishontirdi. Peskovning qo‘shimcha qilishicha, Rossiya kelishuv bo‘yicha pozitsiyasi Qrim ko‘prigiga hujumdan oldin ham e’lon qilingan, shuning uchun so‘nggi voqealar Moskva qaroriga ta’sir qilmagan.
Eslatib o'tamiz, 16-iyul kuni oxirgi kema Qora dengiz don tashabbusi doirasida Odessa portini tark etgan edi. Shuningdek, 14-iyul kuni Turkiya Rossiya prezidenti Vladimir Putin don shartnomasini uzaytirishni qo‘llab-quvvatlaganini e’lon qildi, biroq Peskov buni rad etgan.
Ma’lumki, Rossiya Moskva banklardan biri uchun SWIFT’dan foydalanishni qayta tiklashni, shuningdek, jahon bozorlariga qishloq xo‘jaligi texnikasi va ehtiyot qismlarini yetkazib berishni qayta yo‘lga qo‘yish hamda sug‘urta va qayta sug‘urtalash bo‘yicha cheklovlarni olib tashlashni talab qilmoqda.
