Misrda yuzlab aholi sirli kasallikka chalindi
Kasallik odamlarda isitma, suyak og‘rig‘i va uch kundan besh kungacha davom etadigan charchoq bilan kechmoqda.
Misr Sog‘liqni saqlash vazirligi yakshanba kuni Kena provinsiyasi aholisi mahalliy qishloqda 250 ga yaqin odamni yuqtirgan sirli kasallik paydo bo‘lgani haqida shikoyat qilganidan so‘ng bayonot berdi. Bu haqda Egypt Independent xabar berdi.
Bayonotda aytilishicha, Al-Alekat qishlog‘idagi bemorlarda uchraydigan alomatlar har xil, ularning barchasi yengil va o‘rtacha darajada va shuning uchun kasalxonaga yotqizishni talab qilmaydi.
Alomatlar orasida isitma, suyak og‘rig‘i va uch kundan besh kungacha davom etadigan charchoq mavjud.
Vazirlik ushbu alomatlar shamollash va gripp, gastroenterit va isitma kabi ko‘plab kasalliklarga xos bo‘lib, ular issiqlik taʼsirida tarqalib ketishi, bemor dam olayotgan va isitmani tushiruvchi vositalar qabul qilganda, shuningdek, yetarli miqdorda suyuqlik ichganda yo‘qolishi mumkinligini taʼkidladi.
Sirli kasallikni o‘rganish uchun qishloqqa profilaktika-davolash tibbiyoti hamda epidemiologik nazorat guruhlari yuborilib, bemorlardan zarur tahlil va namunalar olindi.
