Samarqandda fuqarolarni AQSH va Isroilga ishga yubormoqchi bo‘lganlar ushlandi
Firibgarlar fuqarolardan 18 500 va 16 ming AQSH dollar talab qilgan
Bosh prokuraturasi huzuridagi Iqtisodiy jinoyatlarga qarshi kurashish departamenti maʼlumotlariga ko‘ra, Paxtachi tumanida o‘tkazilgan tezkor tadbirda, fuqaro S.R. fuqaro Z.A.ni 18 500 AQSH dollari evaziga Isroil davlatiga ishga yuborishini aytib, oldindan 12 000 AQSH dollarini olgan vaqtida ashyoviy dalillar bilan ushlangan.
Shuningdek, Payariq tumanida fuqaro F.N. fuqaro M.A.ning ishonchiga kirib, uni 16 000 AQSH dollari evaziga AQSHga ishga yuborishini aytib, oldindan 10 000 AQSH dollarini olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) bilan jinoyat ishlari qo‘zg‘atilib, tergov harakatlari o‘tkazilmoqda.
