Shavkat Mirziyoyev Turkmanistonga borishi kutilmoqda
Ashxobodda Turkmaniston, O'zbekiston va Tojikiston prezidentlari o'rtasida sammit bo'lib o'tadi
Tashqi ishlar vazirligi ma'lumotlariga ko'ra, 26-iyul kuni tashqi ishlar vaziri Baxtiyor Saidov, Tojikiston tashqi ishlar vaziri Sirojiddin Muhriddin va Turkmaniston tashqi ishlar vaziri Rashid Meredov o‘rtasida videokonferenaloqa shaklida muzokaralar bo‘lib o‘tdi.
Uchrashuvda joriy yil avgust oyida Ashxobod shahrida bo‘lib o‘tadigan O‘zbekiston, Tojikiston va Turkmaniston prezidentlarining sammitiga tayyorgarlik ko‘rish va uni o‘tkazish masalalari muhokama qilindi.
Vazirlar bo‘lajak yig‘ilishning dasturi loyihasi, kun tartibi, shuningdek,sammitning yakuniy hujjati loyihasini muhokama qildilar. Bundan tashqari, vazirlar mintaqaviy hamkorlikning ustuvor jihatlari yuzasidan ham fikr almashgan.
