Test sinovlarida qancha abituriyent ishtirok etishi ma'lum qilindi
Shuningdek, abituriyentlarning ta’lim tili va shakllari bo'yicha taqsimoti haqida ham ma'lumot berildi
Bilim va malakalarni baholash agentligi ma'lumotlariga ko'ra, 2023/2024-o‘quv yili uchun OTMlarning bakalavriat ta’lim yo‘nalishlariga kirish test sinovlarida ishtirok etishi belgilangan abituriyentlar soni 948 486 nafarni tashkil etdi.
Abituriyentlarning ta’lim tili bo‘yicha taqsimoti:
- o‘zbek tili — 828 699 nafar;
- rus tili — 88 830 nafar;
- qoraqalpoq tili — 28 718 nafar;
- boshqa tillar — 2 239 nafar.
Abituriyentlarning ta’lim shakllari bo‘yicha taqsimoti (birinchi ta’lim yo‘nalishiga nisbatan):
- kunduzgi ta’lim shakli — 545 616 nafar;
- kechki ta’lim shakli — 22 867 nafar;
- sirtqi ta’lim shakli — 373 169 nafar;
- masofaviy ta’lim shakli — 6 834 nafar.
Eng ko‘p abituriyent ro‘yxatdan o‘tgan OTMlar (birinchi ta’lim yo‘nalishiga nisbatan):
- O‘zbekiston milliy universiteti — 33 721 nafar;
- Toshkent davlat transport universiteti — 28 474 nafar;
- Farg‘ona davlat universiteti — 28 188 nafar;
- Toshkent davlat pedagogika universiteti — 26 827 nafar;
- Qarshi davlat universiteti — 26 640 nafar.
Shuningdek, Qashqadaryo, Samarqand, Farg'ona, Toshkent hamda Surxondaryo viloyatlari eng ko‘p abituriyent ro‘yxatdan o‘tgan hududlar (doimiy yashash hududi bo‘yicha) bo'ldi.
