O‘zbekistonda yangi tibbiyot markazi tashkil etiladi
Bu bo‘yicha prezident qarori qabul qilindi.
O‘zbekiston Respublikasi Prezidentining “Otorinolaringologiya xizmatini takomillashtirish va uning ko‘lamini kengaytirish chora-tadbirlari to‘g‘risida”gi qarori qabul qilindi.
Unga ko‘ra, O‘zbekistonda Respublika ixtisoslashtirilgan otorinolaringologiya va bosh-bo‘yin kasalliklari ilmiy-amaliy tibbiyot markazini tashkil etiladi.
“Markaz – hududiy tibbiyot muassasalari – tuman (shahar) tibbiyot muassasalari” tizimi asosida ushbu markaz faoliyati tashkil etiladi.
Ushbu yo‘nalishlarda tibbiy kadrlar tayyorlanadi va ilm-fan rivojlantiriladi.
Aholining ehtiyojmand qatlamlariga yuqori malakali ixtisoslashtirilgan tibbiy xizmatlar ko‘lami kengaytiriladi.
Shuningdek, qarorda davlat muassasalarining moddiy-texnika bazasini mustahkamlash bo‘yicha bir qator muhim vazifalar belgilangan.
