Saratonni bartaraf etadigan hujayraning yangi turi aniqlandi
U 80 foiz holatda muvaffaqiyatli bo‘lishi aytilmoqda.
Buyuk britaniyalik olimlar saratonni samaraliroq bartaraf etadigan maxsus turdagi immun hujayralarini kashf etishdi. Bu haqda “Yangi O‘zbekiston” nashri yozmoqda.
Hujayralar bir yil avval saraton kasalligidan davolangan bemorning organizmida aniqlangan. Tadqiqot shuni ko‘rsatdiki, bu odamning qonida immun T-hujayralari mavjud. Ular oddiy T-hujayralariga qaraganda o‘smalarni tanib olish va ularga hujum qilishda ancha samarali.
Olimlar mazkur hujayralar turli oqsillar vositasida saraton hujayralarini taniy olishini aniqlashdi. Ular bir vaqtning o‘zida bir nechta saraton turlarini davolashi mumkin.
Qonida zararli hujayralar borligi aniqlangan bemor saratonning rivojlangan bosqichidan aziyat chekardi. Ammo u o‘smani infiltratsiya qiluvchi limfotsitlar vositasida davolandi hamda kasallikni yengishga muvaffaq bo‘ldi.
Mazkur davolash bemorning o‘smasidan to‘g‘ridan-to‘g‘ri oq qon hujayralarini ajratib olishni o‘z ichiga oladi. Keyin ular o‘stiriladi va saratonga qarshi kurashish uchun sunʼiy ravishda kuchaytiriladi.
Klinik tadqiqotlar mazkur davolash usuli taxminan 80 foiz hollarda muvaffaqiyatli bo‘lishini ko‘rsatdi.
