Faqat men uchinchi jahon urushining oldini olaman—Tramp
Sobiq AQSH prezidenti Ukrainadagi mojaroni bir kunda hal qilishini aytdi.
AQSHning sobiq prezidenti Donald Tramp faqat u Amerika maʼmuriyati rahbari sifatida uchinchi jahon urushining oldini olishi mumkinligini aytdi.
“Men uchinchi jahon urushining oldini olaman”, dedi u Janubiy Karolinada AQSH Respublikachilar partiyasining tadbirida.
Tramp kelasi yilning noyabr prezident lavozimga saylansa, Ukrainadagi mojaroni tinch yo‘l bilan hal qila olishini taʼkidladi.
“Biz darhol kelishuvga erishamiz va buni u yoki bu tomon uchun emas, balki adolat uchun qilamiz”, — deya qo‘shimcha qildi siyosatchi.
Avvalroq Tramp AQSHning amaldagi prezidenti Jo Bayden Ukrainaga nisbatan siyosati bilan insoniyatni uchinchi jahon urushi sari boshlayotganini bir necha bor taʼkidlagan edi.
