Iqtisodiyot va moliya vazirligida yangi tayinlovlar amalga oshirildi
Vazirning ikki o‘rinbosari Toshkent viloyati tumanlariga hokim etib tayinlanishi kutilmoqda.
O‘zAning xabar berishicha:
Ilhom Norqulov vazirning birinchi o‘rinbosari etib tayinlangan. U bunga qadar vazir o‘rinbosari edi;
Ahadbek Haydarov vazir o‘rinbosari etib tayinlangan, bunga qadar u qishloq xo‘jaligi vaziri o‘rinbosari edi;
Abdulaziz Haydarov vazir o‘rinbosari etib tayinlangan, u bunga qadar Pensiya jamg‘armasi direktori edi;
Otabek Fozilkarimov vazir o‘rinbosari etib tayinlangan, u bunga qadar sog‘liqni saqlash vaziri o‘rinbosari edi;
Bobur Xodjayev vazir o‘rinbosari etib tayinlangan, u bunga qadar Prezident Administratsiyasida sho‘ba mudiri edi;
Shuningdek, Jasur Qarshiboyev ham vazir o‘rinbosari etib tayinlangan. Avval u vazirlikda Davlat ichki va tashqi qarz departamenti direktori bo‘lib ishlagandi;
Murod Atadjanov G‘aznachilik xizmati qo‘mitasi raisi etib tayinlangan;
vazir o‘rinbosarlari Erkin Rustamov va Dilshod Sultanov Toshkent viloyati tumanlariga hokim etib tayinlanmoqda.
