AQSHda shahar meri suvdan kokain “ovladi”
U baliq tutayotganda qarmoqqa giyohvand modda ilingan.
Florida shtatining Tampa shahri meri Jeyn Kastor oilasi bilan qayiqda baliq tutayotganda 30 kilogrammdan ortiq kokainni suvdan chiqarib oldi.
Ilgari Kastor politsiyada ishlagani uchun u paketlarda giyohvand moddalar borligini darhol angladi. U Sohil xavfsizlik xizmatiga qo‘ng‘iroq qilib, bu haqida xabar berdi. Giyohvand modda kimga tegishli ekani va suv ostiga qanday tushib qolgani nomaʼlum.
Mahalliy OAVning yozishicha, giyohvand moddalardan tashqari, mer oilasi bilan 60 ga yaqin baliq tutgan.
Eslatib o‘tamiz, avvalroq Perudan kelgan yo‘lovchi Moskvaga kokain qo‘shilgan konfet olib o‘tmoqchi bo‘lgan edi. Ayolning so‘zlariga ko‘ra, u do‘stlariga sovg‘a sifatida lolipop sotib olgan va ular tarkibida narkotik moddasi borligini bilmagan.
