Pokiston parlamenti tarqatib yuborildi
Bosh vazir prezidentga shunday maslahat bergan.
Pokiston prezidenti parlamentni muddatidan oldin tarqatib yubordi. Bosh vazir Shabhaz Sharif davlat rahbariga shunday maslahat bergan.
Ushbu siyosiy harakat tufayli mamlakatda yangi parlament saylovlarini o‘tkazish uchun yana bir oy vaqt bor. 5 yil avval saylangan amaldagi deputatlarning vakolat muddati 12 avgustda tugaydi. Konstitutsiyaga ko‘ra, ular odatdagidek 60 kun emas, 90 kun ichida o‘tkazilishi kerak. Eslatib o‘tamiz, Pokiston bir yildan ortiq vaqtdan beri siyosiy va iqtisodiy inqiroz bilan kurashib kelmoqda.
“Hukumat hozirgi siyosiy va iqtisodiy muammolarni darhol hal eta olmaydi. Bu juda ko‘p vaqt oladi. Eng katta muammo shundaki, Pokistonning Xalqaro Valyuta Jamg‘armasidan ko‘plab kreditlari bor. Ular hukumatimizdan inqirozga javoban bir qator islohotlar o‘tkazishni talab qilmoqda. Va odamlarga bu o‘zgarishlar yoqmasligi mumkin”, — deydi Janubiy Osiyo tadqiqotlari instituti tadqiqotchisi.
