Sirdaryoda g‘alla o‘g‘rilari qo‘lga olindi
Ular 5 tonnadan ziyod bug'doyni oʻgʻirlayotgan vaqtida ushlangan.
Sardoba tumanida gʻalla oʻgʻrilari qoʻlga olindi. Bu haqda IIV axborot xizmati xabar berdi.
Ma'lum qilinishicha, "Gʻalla-2023" yigʻim-terimiga jalb qilingan, MJCHga qarashli “HOWO” rusumli yuk avtomashinasi haydovchisi MCHJning qoʻriqlash xizmati ishchisi bilan oldindan til biriktirib, bir guruh boʻlib korxonaga tegishli boʻlgan jami qiymati 17,3 mln soʻmlik 5 260 kg gʻalla mahsulotini yashirin tarzda oʻgʻirlayotgan vaqtida MCHJning masʼul ishchilari tomonidan ushlangan.
Hozirda mazkur holat yuzasidan Sardoba tumani IIB huzuridagi Tergov guruhi tomonidan gumonlanuvchilarga nisbatan Jinoyat kodeksining 169-moddasi bilan jinoyat ishi qoʻzgʻatilib, tergov harakatlari olib borilmoqda.
