Xitoydan Xorazmga 100 ta avtobus olib kelinadi
Ular yil oxirigacha yetkazib beriladi.
2023 yil yakuniga qadar Xitoydan Xorazmga 100 ta yangi avtobus olib kelinadi. Bu haqda Transport vazirligi xabar qilmoqda.
Viloyatda yo‘lovchi tashish faoliyati bilan shug‘ullanuvchi «Bunyodyo‘lovchitashish» MCHJ XItoyning “Zhongtong Bus Holding” zavodi bilan shahar yo‘nalishlari uchun 100 ta avtobus sotib olish bo‘yicha shartnoma imzoladi. Mazkur shrtnomaga muvofiq, avtobuslar joriy yilning yakuniga qadar Xorazm viloyatiga olib kelinishi rejalashtirilgan.
O‘zbekiston Respublikasi Prezidentining “Jamoat transporti tizimini isloh qilish chora-tadbirlari to‘g‘risida”gi qarorida belgilangan vazifalar ijrosini taʼminlash maqsadida Xorazm viloyati transport boshqarmasi boshlig‘i R.Babayev tashabbuskor tadbirkorlar bilan birgalikda ayni damda Xitoy Xalq Respublikasida xizmat safarida bo‘lib turibdi.
Xizmat safari davomida “Zhongtong Bus Holding” zavodi faoliyati bilan tanishib, sotib olinadigan avtobuslarni yetkazib berilishi, mazkur avtobuslarga servis xizmati ko‘rsatish va doimiy hamkorlik aloqalarini yo‘lga qo‘yish yuzasidan zavod vakillari bilan uchrashuv o‘tkazildi. Uchrashuvda “Zhongtong Bus Holding” zavodi va «Bunyodyulovchitashish» MCHJ o‘tasida bir qator kelishuvlarga erishildi.
