Iyul oyida ikkilamchi ko‘chmas mulk bozorida uy-joy narxining o‘sish surʼati sekinlashdi
Respublika bo‘yicha iyul oyida ko‘chmas mulkni oldi-sotdi bitimlari soni 5,5 foizga oshib, deyarli 25 mingni tashkil etdi. Shuningdek, ko'rib chiqilayotgan davrda Toshkentda kvartiralarni ijaraga berish narxining pasayishi sezilarli darajada sekinlashdi.
Iqtisodiy tadqiqotlar va islohotlar markazi maʼlumotlariga ko‘ra, iyul oyida O‘zbekistondagi ikkilamchi ko‘chmas mulk bozorida uy-joy narxining o‘sish surʼati sekinlashdi.
Hisob-kitoblarga ko‘ra, 2023-yil iyul oyida ikkilamchi bozorda uy-joylarning 1 kvadrat metr uchun o‘rtacha narxi oyiga 1,8 foizni tashkil etdi (yanvarda-0,9 foiz, fevralda-4,5 foiz, martda-0,2 foiz, aprelda-1,7 foiz, mayda-2,5 foiz, iyunda – 0,8 foiz), 2022 yil iyul oyidan boshlab bu ko‘rsatkich 23,3 foizga o‘sdi.
Qayd etilishicha, 2022-yil iyul oyidan boshlab uy-joy narxining sezilarli o‘sishi Namangan shahrida – 35,3 foiz, Toshkent viloyatida – 32,3 foiz va Toshkent shahrida – 30,9 foiz kuzatildi.
Toshkentning ikkilamchi bozorida iyul oyida narxlarning o‘sishi oyiga 1,5 foizni tashkil etdi. Narxlarning eng yuqori o‘sishi Shayxontohur – 3,3 foiz, Yakkasaroy – 2,9 foiz foizva Bektemir - 2,6 foiz tumanlarida qayd etildi. Toshkent shahrida uy-joylarning o‘rtacha narxi 2022-yil iyul oyiga nisbatan 30,9 foizga oshdi.
Respublika bo‘yicha iyul oyida ko‘chmas mulkni oldi-sotdi bitimlari soni deyarli 25 mingni tashkil etdi, bu bir oy oldingiga nisbatan 5,5 foizga ko‘pdir. Eng katta o‘sish Andijon – 19,5 foiz, Sirdaryo – 16,8 foiz va Jizzax – 16,5 foiz viloyatlarida qayd etildi. O‘tgan yilning iyul oyiga nisbatan uy-joy savdosi 22,7 foizga oshdi.
Eng yuqori o‘sish surʼatlari Qoraqalpog‘iston Respublikasi – 96 foiz, Buxoro – 48 foiz va Sirdaryo – 35 foiz viloyatlarida qayd etildi.
Ko'rib chiqilayotgan davrda Toshkentda kvartiralarni ijaraga berish narxining pasayishi sezilarli darajada sekinlashdi. Agar iyun oyida ijara bozori 2,4 foizga pasaygan bo‘lsa, iyul oyida bu pasayish 0,7 foizni tashkil etdi va 1 kvadrta metr uchun 8,7 foizdan oshmadi.
Poytaxtda 1 kvadrat metr uchun uy-joy ijarasining eng yuqori narxlari Mirobod – 11,7 dollar, Yakkasaroy – 10,7 dollar va Shayxontohur tumanlarida - 10,5 dollarni tashkil etdi.
