Jeff Bezos "milliarderlar oroli"dan 68 million dollarga uy sotib oldi
Shuningdek, bu orolda mashhur tadbirkorlardan Karl Ikan, Tom Bredi, Jared Kushner va Ivanka Tramp yashagan.
Amazon bosh direktori Jeff Bezos Florida shtatidagi Indian-Krikda 68 million dollarga uy sotib oldi. Bu haqda Bloomberg xabar bermoqda.
Kelishuv iyul oyida bo'lib o'tgan, biroq xaridorning shaxsi avvalroq oshkor etilmagan. 864 kvadrat metr hovuzga ega uch xonali uy 1965-yilda qurilgan.
Indian Creek oroli dunyodagi eng boy odamlar orasida juda mashhur bo'lib, u "Mayami milliarder bunkeri" deb nomlanadi. Turli vaqtlarda bu yerda amerikalik tadbirkor Karl Ikan, Tom Bredi, Jared Kushner, Ivanka Tramp va boshqalar yashagan. Orolda 40 ga yaqin rezidensiya, qishloq klubi va politsiya bo'limi mavjud.
Milliarderning Vashingtonda uyi, Beverli-Xillzda 165 million dollarlik saroyi, Maui orolida mulki, Manxetten va Sietlda ham ko‘chmas mulki bor. Shuningdek, u Texasda Blue Origin New Shepard raketalarini uchirish maydonchasi joylashgan 300 000 akr fermaga ega.
Bir necha oy oldin 163 milliard dollar boyligi bilan dunyoning eng badavlat odamlari ro‘yxatida uchinchi o‘rinni egallab turgan Jeff Bezosning unashtirilgani ma’lum bo‘lgan edi.
May oyida 59 yoshli Jeff Bezos besh yillik munosabatlaridan so‘ng sobiq jurnalist va ishbilarmon ayol, Emmi mukofoti sovrindori 53 yoshli Loren Sanchesga turmush qurishni taklif qildi. U bilan 2019-yilda boshlangan munosabatlaridan oldin milliarder 25 yil davomida Makkenzi Skott bilan yashagan, ularning to‘rt nafar farzandi bor. Sanches ham ikki marta turmushga chiqqan va uch nafar farzandning onasi ekani aytiladi.
