Gruziyada ko‘chki qurbonlari soni oshmoqda
Ofat zonasida hamon bedarak yo‘qolganlar bor.
Gruziyaning Shovi kurortidagi ko‘chki qurbonlari soni 26 kishiga yetdi. Oxirgi marhumning jasadi qidiruv ishlarining 13-kunida topildi. 7 kishi hamon bedarak yo‘qolganlar ro‘yxatida qolmoqda.
Tabiiy ofat epitsentri va yaqin atrofdagi daryolar o‘zanlarida qidiruv-qutqaruv ishlari jadal olib borilmoqda. Jarayonga og‘ir va suv texnikasi jalb qilingan, deb xabar beradi Gruziya Ichki ishlar vazirligi.
Eslatib o‘tamiz, 3 avgust kuni kuchli yomg‘ir sababli Shovi kurortida ko‘chki yuz bergandi. Qutqaruvchilar vertolyotda 200 dan ortiq odamni xavfsiz joyga olib chiqishga muvaffaq bo‘ldi.
