Qashqadaryoda 1,4 ming gektar tomorqa suv bilan barqaror ta’minlanadi
Saida Mirziyoyeva Qashqadaryoda suv ta’minotini yaxshilash masalalariga e’tibor qaratdi.
Saida Mirziyoyeva Qashqadaryo viloyatini ijtimoiy-iqtisodiy rivojlantirish bo‘yicha amalga oshirilayotgan ishlar bilan tanishdi.
Uning ta’kidlashicha, hududda olib borilayotgan ishlar natijasini, eng avvalo, odamlar kundalik hayotida his qilishi kerak.
Viloyatdagi dolzarb masalalardan biri bo‘lgan suv ta’minotiga alohida e’tibor qaratildi. Shu doirada Qarshi shahridagi “Chap tarmoq” kanalini betonlashtirish va uning atrofini obodonlashtirish ishlari boshlanadi. Bu 1,4 ming gektar tomorqa yerlarini suv bilan barqaror ta’minlashga xizmat qiladi.
Shuningdek, kanal bo‘yida to‘rtta mahallada yashovchi 25 ming aholi uchun kun-u tun faoliyat yuritadigan dam olish va sayr maskanlari barpo etiladi.
