O'zbekistonning davlat qarzi qanchaligi ochiqlandi
Davlat qarzi yalpi ichki mahsulotga nisbatan kamaydi.
Iqtisodiyot va moliya vazirligi ma'lumotlariga ko'ra, 2023-yil 1 yanvar holatiga O‘zbekiston davlat qarzi 29,2 mlrd dollarni yoki yalpi ichki mahsulotga nisbatan 36,4 foizni tashkil etdi.
Bunda davlat tashqi qarzi — 25,9 mlrd dollar, davlat ichki qarzi esa 3,3 mlrd dollarni tashkil etdi. Shuningdek, davlat qarzining YaIMga nisbati 2021-yil boshida 39 foizni (2021-yil yakunida – 38 foiz) tashkil etgan bo‘lsa, 2023-yilning 1 yanvar holatiga 36,4 foizgacha pasaygan.
Hisobotda keltirilishicha, davlat qarzi 2022-yil davomida 2,9 mlrd dollarga oshgan bo‘lsa-da, yalpi ichki mahsulot tez suratlarda, ya’ni 11,1 mlrd dollarga o‘sganligi tufayli davlat qarzining YaIMga nisbati pasaygan
