ECOWAS delegatsiyasi muzokara uchun Nigerga keldi
Ular vaziyatni hal qilishda diplomatik vositachi sifatida harakat qiladi.
G‘arbiy Afrika mamlakatlari iqtisodiy hamjamiyati (ECOWAS) delegatsiyasi mamlakatda hokimiyatni qo‘lga olgan harbiylar bilan muzokara o‘tkazish uchun Nigerga yetib keldi.
Qayd etilishicha, ECOWAS vakillari Nigerdagi vaziyatni hal qilishda diplomatik vositachi sifatida harakat qiladi.
Nigerning ag‘darilgan prezidenti Muhammad Bazum hukumatida bosh vazir vazifasini ham bajargan Asumi Masudu to‘ntarishdan keyin Fransiyaning respublikaga harbiy aralashuviga ruxsat beruvchi hujjatni imzolagandi. Fransuz harbiylari Niger milliy gvardiyasi shtab-kvartirasiga 27 iyul kuni yetib kelgan. Ularning ixtiyorida o‘nlab mashinalar bo‘lgan, vertolyotlar ham shay holatda edi. Biroq Bazumning o‘zi bu operatsiyaga qarshi chiqdi.
Avvalroq ECOWASʼning siyosiy ishlar, tinchlik va xavfsizlik bo‘yicha komissari Abdel-Fatau Musa G‘arbiy Afrika Iqtisodiy hamjamiyatiga aʼzo davlatlar BMT Xavfsizlik Kengashidan Niger ishlariga harbiy aralashuv uchun ruxsat so‘ramoqchi emasligini maʼlum qilgandi.
