Szinpin: BRIKS sammiti rivojlanayotgan mamlakatlar o‘rtasidagi birdamlikni mustahkamlaydi
Sammit 22-24-avgust kunlari Yoxannesburgda bo‘lib o‘tadi.
BRIKSga a’zo davlatlar rahbarlarining Janubiy Afrikadagi uchrashuvi assotsiatsiya tarixidagi muhim bosqich bo‘lib, mamlakatlar o‘rtasidagi birdamlikni mustahkamlaydi, dedi XXR raisi Si Szinpin. Seshanba kuni u BRIKSning 15-sammiti boʻlib oʻtadigan Yoxannesburgga yetib keldi.
“Ushbu sammit BRIKS mexanizmini rivojlantirish tarixidagi muhim bosqich boʻlib, rivojlanayotgan davlatlar oʻrtasidagi hamjihatlik va hamkorlikni yanada yuqori darajaga koʻtarishiga ishonaman”, — dedi siyosatchi Xitoy tomonidan eʼlon qilingan bayonotda.
Szinpinning soʻzlariga koʻra, u birgalikda rivojlanish va sayyoramizda tinchlikni mustahkamlash yoʻlida Afrika davlatlarining yuqori hokimiyatlari bilan hamkorlik qilishga tayyor. Xitoy rahbarining fikricha, BRIKS global iqtisodiy taraqqiyotga hissa qo‘shadi.
"Assotsiatsiya a'zolari global boshqaruvni optimallashtirgan va xalqaro munosabatlarni demokratlashtirishga hissa qo'shgan konstruktiv kuchga aylandi", — dedi u.
Ma'lumot o'rnida, BRIKS sammiti 22-24 avgust kunlari Yoxannesburgda bo‘lib o‘tadi. Unda Xitoy, Hindiston, Braziliya va Janubiy Afrika davlatlari rahbarlari, shuningdek, Rossiyadan tashqi ishlar vaziri Sergey Lavrov qatnashadi. Rossiya Prezidenti Vladimir Putin sammitda videokonferensiya orqali ishtirok etadi.
