Dasturxon atrofidagi odatlar insonni sotib qo‘yadi

 

Taomni isteʼmol qilish tezligi

 

Djulyetta Bogossyan taʼkidlashicha, tez ovqatlanadiganlarning tirishuvchanlik xarakteri ularga har lahzadan zavq olishga xalal beradi. Bunday insonlarning atrofidagi tanishlari ko‘p bo‘lsa-da, faqat 2-3 yaqin do‘stlariga vaqt ajrata olishadi.

 

Sekin ovqatlanuvchilar o‘z odatlariga sodiq va juda qaysar bo‘lishadi. Ular xudbin va o‘z huquqlarini boshqalardan ustun qo‘yuvchilardir. Bunday insonlar nafaqat dasturxon atrofida, balki ishda ham sekin harakatlanishadi.

 

Yoqimli suhbatdoshlar siz bilan bir vaqtda ovqatlanishni to‘xtatishiga eʼtibor qilganmisiz? Ular murosaga tez kelishadi va boshqalar bilan hisoblashishadi.

 

Agar insonning ovqat tanovul qilishi grafikka asoslangan bo‘lsa, u o‘z ishini vijdonan bajarishga odatlangan. Odatda bunday insonlar kun qanday qilib o‘tib ketganini bilmay qolishadi, ammo bajargan ishlaridan ko‘ngillari to‘ladi.

 

Dasturxon atrofidagi xulq-atvor

 

Ovqatni tatib ko‘rmasdan unga tuz qo‘shadiganlar va menyuga qaramay turib buyurtma qiluvchilar hayotdagi o‘zgarishlarni qiyin qabul qilishadi.

 

Avval bir mahsulotni yeb bo‘lib, keyingina boshqasiga o‘tadigan odam mayda ikir-chikirlarga ham eʼtiborliligi bilan ajralib turadi. Bunday odamlar ishini sidqidildan bajaradi, ammo o‘zgarishlarni yoqlamaydi.

 

Agar tanishingiz yangiliklardan bosh tortib, doim bir xil taom buyurtma qilsa, eʼtiborli bo‘ling: odatda bundaylar asabiy va sababsiz vahima qiluvchilar bo‘ladi.

 

Ofitsiantga savollar berib, ovqat tanlash bo‘yicha maslahat so‘raydiganlar tajribalarga tayyor va yangi g‘oyalarni amalga oshirish uchun tizimga qarshi boruvchi odamlardir.

 

Taʼmlar bo‘yicha tanlov

 

Taʼm va hid sezishning buzilishini tadqiq qilish fondi rahbari Alan Xirsh sho‘r ovqatlarni yoqtiradiganlar oqim bo‘ylab suzuvchilar ekanini taʼkidlaydi.

 

Ziravorli taomlar moddalar almashinuvini yaxshilaydi va organizmni qizitadi. Bunday mahsulotlarni tanlovchilar tartibni yaxshi ko‘rishadi va mayda detallarga vaqt sarflashni yoqtirishmaydi.

 

Tadqiqotlar achchiqni xush ko‘ruvchilar jamiyat qo‘llab-quvvatlashiga ehtiyoj sezishini ko‘rsatgan. Bunday odamlar yutuqlari har safar eʼtirof etilishini istashadi.

 

Shirinliklarni afzal ko‘ruvchilar esa muhtojlarga yordam qo‘lini cho‘zishga doim tayyor bo‘lishadi.

 

Yuqoridagi misollar suhbatdoshingizning xarakteri haqida dastlabki tushunchalarga ega bo‘lishingiz va shu bilan birga o‘zingizga bir nazar tashlashingizga sabab bo‘lishi mumkin.