Men Tver viloyatidagi halokatdan hayron qolmadim–Bayden
AQSH prezidenti Prigojinning o‘limi ortida Putin turgan bo‘lishi mumkinligini taxmin qildi.
Oq uy rahbari Jo Bayden Tver viloyatida «Vagner» rahbari Yevgeniy Prigojin bo‘lgan samolyot halokatga uchraganidan hayron bo‘lmaganini aytdi. Bayden ushbu aviahalokat ortida Vladimir Putin turishi mumkinligini taxmin qildi.
“Prigojin muvaffaqiyatsiz isyondan keyin xavfsizligi haqida qayg‘urishi kerakligini aytgan edim”, dedi Bayden iyul oyida qilgan bayonotiga ishora qilib.
Eslatib o‘tamiz, avvalroq Prigojin samolyoti Rossiyaning Tver viloyatida qulagani maʼlum bo‘lgan edi. Federal havo transporti agentligi maʼlumotlariga ko‘ra, Embraer bortida 10 kishi bo‘lgan: yetti nafar yo‘lovchi va uch nafar ekipaj aʼzosi. «Vagner» rahbari ham yo‘lovchilar qatoriga kiritilgan.
