0
Davlat xaridlaridagi qonunbuzilishi holatlari bartaraf etilmoqda
Korrupsiyaga qarshi kurashish agentligi tomonidan davlat buyurtmachilari amalga oshirayotgan xaridlarda qonunchilik talablariga rioya qilinishi holatlarini monitoring qilish ishlari davom ettirilyapti.
Korrupsiyaga qarshi kurashish agentligi tomonidan ayrim davlat buyurtmachilari amalga oshirayotgan xaridlarda qonunbuzilishi holatlari aniqlandi.
Jumladan:
- Zafarobod tuman bolalar va o‘smirlar sport maktabi buyurtmachiligidagi 286,0 mln so‘mlik;
- Qoraqalpog‘iston Respublikasi Jo‘qorg‘i kengesi buyurtmachiligidagi 912,4 mln so‘mlik;
- Samarqand shahridagi Prezident maktabi buyurtmachiligidagi 311,8 mln so‘mlik;
- Qiziltepa tuman yo‘llardan foydalanish unitar korxonasi buyurtmachiligidagi 300,0 mln so‘mlik davlat xaridida sohaga oid qonunchilik talablariga amal qilinmagan.
Mazkur holatlar bo‘yicha Agentlik tomonidan xarid komissiyalarining bayonnomalarini bekor qilish to‘g‘risida buyurtmachilarga taqdimnomalar kiritilib, qonunbuzilishi holatlarii bartaraf etildi.
