Ukraina Saudiya Arabistoni bilan hamkorlik qiladi
Zelenskiy Saudiya shahzodasi bilan telefonlashdi.
Ukraina Prezidenti Vladimir Zelenskiy Saudiya Arabistoni valiahd shahzodasi va Bosh vaziri Muhammad bin Salmon as-Saud bilan telefon orqali muloqot qildi. Unda mamlakatlar o‘rtasidagi hamkorlik va muloqotni mustahkamlash masalalari muhokama qilindi.
Qayd etilishicha, davlat rahbarlari 19-may kuni Jidda shahrida bo‘lib o‘tgan ikki tomonlama uchrashuv chog‘ida boshlangan muloqot davomi sifatida Ukraina va Saudiya Arabistoni Podshohligi o‘rtasidagi o‘zaro hamkorlikning dolzarb masalalarini muhokama qilgan.
Zelenskiy, shuningdek, 5-avgust kuni Saudiya Arabistonida Ukraina Tinchlik formulasining asosiy tamoyillari bo‘yicha milliy xavfsizlik bo‘yicha maslahatchilar va jahon tashqi ishlar idoralari siyosiy direktorlarining ikkinchi uchrashuvi muvaffaqiyatli o‘tganini ta’kidladi.
Ma'lumot o'rnida, 5-6 avgust kunlari Saudiya Arabistonining Jidda shahrida AQSH, Xitoy, Hindiston, Braziliya kabi 42 davlat ishtirokida davlat rahbarlarining Jahon formulasi boʻyicha maslahatchilari yigʻilishi boʻlib oʻtdi. Rossiya sammitga taklif qilinmadi.
