NATO droni ilk bor Finlandiya uzra parvoz qildi
Uchuvchisiz samolyot Rossiya chegarasi yaqinida uchgan.
NATOning RQ-4D yuqori balandlikdagi razvedkachi uchuvchisiz uchish apparati blokning yangi aʼzosi Finlandiya ustidan ilk parvozini amalga oshirdi.
Parvoz Rossiya bilan chegarada (Leningrad viloyati va Kareliya hududida) amalga oshirildi.
RQ-4D strategik havo razvedka samolyoti Italiyaning Sitsiliya orolidagi Sigonella aviabazasidan havoga ko‘tarildi, u yerda NATO uchuvchisiz uchoqlari joylashgan.
NATO tomonidan ta'kidlanganidek, masofadan boshqariladigan RQ-4D Fenix og'ir uchuvchisiz samolyoti dunyodagi eng ilg'or dronlardan biri bo'lib, keng hududda razvedka va kuzatuvni ta'minlaydi. Dron havoda 30 soatgacha parvoz qilishi mumkin. U to'plagan ma'lumotlar alyansning barcha ittifoqchilariga taqdim etiladi.
