3-qavatdan yiqilgan yigit O‘zbekistonga olib kelindi
U Rossiyada mehnat faoliyatini olib borayotgandi.
O‘zbekiston fuqarosi A.T. 2022 yilning iyul oyida Krasnoyarsk o‘lkasining Minusinsk shahriga ishlash maqsadida borgan. Joriy yilning 3 iyul kuni ish paytida baxtsiz hodisa oqibatida, qurilish ob’yektining 3-qavatidan tushib ketadi va og‘ir tan jarohati olib, shahar shifoxonasiga yotqizilgan edi.
Shifoxonada o‘zbekistonlik fuqaroga tibbiy yordam ko‘rsatilib, jarrohlik amaliyoti o‘tkazildi. Shundan so‘ng, xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi hisobidan Krasnoyarsk – Namangan yo‘nalishi bo‘yicha aviachipta olib berilib, O‘zbekistonga qaytarildi.
