Rossiya yutqazishi kerak — Zelenskiy
Ukraina Prezidenti Vashingtonga keldi.
Ukraina Prezidenti Vladimir Zelenskiy AQSh poytaxti Vashingtonga keldi, yetakchi bu yerda bir qator muhim muzokaralar olib boradi.
"Bugungi Vashingtondagi muzokaralar muhim ahamiyatga ega. Ukraina uchun havo mudofaasi eng muhim masalalardan biri", — deb yozadi u.
Davlat rahbari, shuningdek, Rossiyaning Ukrainaga bir kecha-kunduzda uyushtirgan yirik raketa zarbasiga ham izoh berib, raketalarning aksariyati urib tushirilganini aytdi.
"Ukrainani raketaga qarshi tizimlar bilan ta'minlagan har bir davlatga rahmat. Biz Rossiyani terrorchilik salohiyatidan butunlay mahrum qilish ustida ishlayapmiz va bu natijaga erishishimiz kerak", — deya ta'kidladi Zelenskiy.
Uning so‘zlariga ko‘ra, mamlakat havo hujumidan mudofaa, Rossiyaga qarshi sanksiyalar va frontda ukrainalik askarlarni qo‘llab-quvvatlashga ko‘proq muhtoj.
"Rossiya yutqazishi kerak", — deya xulosa qildi Ukraina rahbari.
