Qayta isitib bo‘lmaydigan mahsulotlarni bilasizmi?

 

Mikroto‘lqinli pech – oldinroq tayyorlab qo‘yilgan mahsulotlarni bir zumda isitib dasturxonga tortish uchun qulay va ishonchli yordamchi. Ammo, barcha mahsulot va ovqatlarni ham unda isitib bo‘lmaydi, bunda ular nafaqat o‘zining foydali jihatlarini yo‘qotadi, balki organizm uchun zararli moddaga aylanishi ham mumkin.

 

Tovuq go‘shti. Bu mahsulotni isitganda uning tarkibidagi oqsil strukturasi o‘zgaradi, bu esa ovqat hazm qilish tizimi buzilishiga olib kelishi mumkin. Aynan shuning uchun ham salatlarda tovuq go‘sht sovuq holda ishlatiladi.

 

Lavlagi. Bu sabzavot borщga qo‘shib uzoq qaynatilganda ham o‘zining foydali vitaminlarini saqlab qoladi, ammo tarkibida lavlagi tarkibida nitratlarni saqlagani uchun, u aralashtirilgan mahsulotlarni qayta isitib isteʼmol qilish tavsiya etilmaydi. Diyetologlar lavlagini yangi pishirilganida isteʼmol qilishni maslahat berishadi.

 

Tuxum. Omlet yoki qovurilgan tuxumni isitish uncha-munchaning xayoliga kelmasa-da, bilib qo‘ygan yaxshi: mikroto‘lqinli pechda isitilgan tuxum zaharga aylanadi. Shuning uchun ham uni pishishi bilan yoki sovuq holida tanovul qilish kerak.

 

Qo‘ziqorin. Bu mahsulot oqsil va aminokislotalarga boy bo‘lsa-da, organizm tomonidan doim ham hazm qilinmaydi. Qayta isitilganda qo‘ziqorin tarkibidagi oqsil o‘z tuzilishini o‘zgartiradi, bu esa qorinning dam bo‘lishi yoki og‘riqlarga olib kelishi mumkin.

 

Guruch. Qator aminokislotalar va vitaminlardan tashqari guruch tarkibida qaynatilganda ham yo‘qolmaydigan bakteriya spormalari saqlanadi. Agar pishirgandan so‘ng guruch xona haroratida uzoq vaqt qolsa, zararli mikroorganizmlar tezlik bilan ko‘payishni boshlaydi, bu esa ovqatdan zaharlanishga olib kelishi mumkin. Yaxshisi, qaynatilgan guruchni bir soatdan uzoq sovutkichsiz saqlamang.

 

Kartoshka. Istilgan kartoshka o‘zining taʼmi va foydali sifatlarini yo‘qotadi, ayrim hollarda, masalan, xona haroratida folgaga o‘rab saqlangan kartoshka botulizmga ham sabab bo‘lishi mumkin. Shuning uchun qovurilgan kartoshka yoki pyureni darhol isteʼmol qilish kerak.

 

Selderey. Bu o‘simlik sho‘rvalar uchun ayni muddao, ammo mikroto‘lqinli pechda isitilmasa agar. Slderey katta miqdordagi zararsiz nitratlarni saqlaydi, qyta isitish jarayonida ular zaharli nitratga aylanishi mumkin.