Putin va Lukashenko Qirg‘izistonda uchrashadi
Ular Belarusdan Sankt-Peterburggacha temir yo‘l liniyasini qurish masalalarini muhokama qiladi.
Joriy yilning 15 oktabr kuni Belarus prezidenti Aleksandr Lukashenko Vladimir Putin bilan Qirg‘iziston poytaxti Bishkek shahrida uchrashadi. Bu haqda "TASS" agentligi xabar berdi.
Ma’lumotlarga ko‘ra, uchrashuvda aviatsiya texnikasini birgalikda ishlab chiqarish va Belarusdan Sankt-Peterburggacha temir yo‘l liniyasini qurish masalalarini muhokama qilinadi.
"Biz 15 oktabr kuni Qirg‘izistonda uchrashamiz", – dedi Lukashenko Minskda bo‘lgan Leningrad viloyati gubernatori Aleksandr Drozdenko bilan uchrashuvda.
Shuningdek, Lukashenko dushanba kuni Putin bilan telefon orqali muloqot qilib, unda Belarus-Rossiya o‘rtasidagi yirik loyihalar muhokama qilingani ta’kidlagan.
