AQSh Rossiyaning muzlatilgan aktivlari miqdorini e'lon qildi
Ularning asosiy qismi Yevropa Ittifoqi va Yaponiyada ekani aytilmoqda.
AQSh hukumati Rossiyaning 8 milliard dollarlik suveren aktivlarini muzlatib qo'ydi. Bu miqdorni AQSh Prezidentining Ukraina iqtisodiyotini tiklash bo‘yicha maxsus vakili Penni Pritsker ma’lum qildi.
Pritskerning aytishicha, muzlatib qo'yilgan suveren aktivlarning asosiy qismi Yevropa Ittifoqi va Yaponiyada.
Ayni vaqtda G‘arb davlatlari Rossiyaning Ukrainaga keng ko‘lamli bostirib kirishiga javoban Rossiyaning umumiy hisobda 300 milliard dollarlik aktivlarini muzlatib qo‘ygan.
Qayd etilishicha, ayrim davlatlar bu pullarni Ukrainani qayta tiklashga sarflashga chaqirgan, biroq boshqa manfaatdor tomonlar, jumladan, Yevropa Markaziy banki bunday harakatning qonuniyligi va oqibatlari haqida ehtiyotkorona fikr bildirgan.
